حالة الاتقان

اكثر من شخص لما نحكي معاه بخصوص تطوير شغله نلقا فيهم يواجهو في مشكلة الاتقان .. ومشكلتهم مخلطين بين الاتقان والمثالية

الاتقان ما هوش ضربة حظ أو موهبة خالصة. هو عادة تتبناها كل يوم، تحسين بسيط لكنه مستمر يخلي فرق كبير على المدى الطويل

"مش المطلوب إنك تكون كامل، المطلوب إنك تكون أفضل من أمس"

وهذه خطوات عملية جربتها وفي جزء كبير منها من تجارب الكتب 👇🏻

1-ما فيش خط نهاية للاتقان

الاتقان ما يتوقفش عند لحظة نجاح أو إنجاز معين. كل مستوى توصله يفتح قدامك مستويات أعلى. السر هو إنك تعيش بروح طالب، تتعلم، وتجدد نفسك في كل مرحلة

2-الجمع بين التعلم والعمل :

في كتاب Mastery لروبرت غرين : يحكي أنه ضروري تخصيص للجميع بين المعرفة ( التعلم ) وتطبيقها علمياً ( العمل ) لأن الجانب النظري غير كافي ، عود نفسك اللي تتعلمه طبقه ولو جزء منه لأن التطبيق فعلاً يفرق

3-هندسية التقدم اليومي :

هنا مفروض عليك تصمم روتينين يعتمد على قوة التقدم ولو كان خطوات بسيطة الفكرة في المدوامة المستمرة بشكل مركز في كتاب ننصح به اسمه Outlier ويحكي على خطوات عملية للوصول لحالة الاتقان في أي عمل وهذا اختصار الخطوات :

-حدد شن تبي اطور بشكل واضح : ركز على جانب معين

التزم بجلسات تدريب لنفسك : خصص وقت قصير ومكثف كل يوم دون تشتيت ( وركز على كل يوم )

-قيم ادائك : راجع أداءك ودون الملاحظات أول بأول شن تعملت وشن المصاعب اللي واجهاتك

-ارفع مستوى التحدي تدريجياً : كل مرة قوي من العيار حتى تزداد قدرتك تلقائياً واطلع من منطقة الراحة

-كافئ نفسك : كل ما ادير إنجاز جديد

الخلاصة : لعبة الإتقان تبي شغل يومي غير متقطع وتبي تكثيف وتركيز على شيء محدد بإنضباط على خطوات صغيرة ومتكررة … مش موضوع سرعة وضربة حظ ،ماترخيشي والغي أي شي يشتتك في الوقت هذا لين تشوف نفسك وصلت بعدها تقدر تفتح موضوع جديد